Framherji byggir nýggjan Akraberg

Ein nýggjur Akraberg skal byggjast í Brattvåag í Noregi.

Felagið, sum eigur Akraberg, og sum s/pf Framherji eigur hundrað prosent, hevur skrivað undir sáttmála um trolaran.

Trolarin kostar góðar 500 mió. norskar krónur. Norska krónan  er veik í løtuni, so 500 milliónir norskar eru 317 milliónir danskar. Trolarin skal latast 30.juni í 2022.

Hann verður 84 metrar langur og 17 metrar breiður.  Akraberg er góðar 78 metrar langur og 14 metrar breiður.

Skrokkurin verður bygdur í Rumenia.

Nýggi trolarin skal fiska botnfisk og rækjur, og hann skal kunna gera súrløgu umborð, sum so verður seld til Havsbrún at brúka til alifóður.