Olympisku leikirnir verða somu tíð næsta ár

Nú er greitt, at olympisku leikirnir í Tokyo í Japan verða frá 24. juli til 9. august í næsta ár.

Tað kunngjørdi olympiska nevndin fyri løtu síðani, sambært tíðindastovuni, Associated Press.

Upprunaliga ætlanin var, at olympisku leikirnir skuldu verða somu dagar  - frá 24. juli til 9. august - í summar.

Korona flutti leikirnar eitt ár

Tað var í seinastu viku, at myndugleikarnir í Japan og olympiska nevndin boðaðu frá, at leikirnir í summar vórðu avlýstir, orsakað av COVID-19.

Leikirnir í summar vórðu avlýstir, eftir at trýstið um at útseta leikirnar vaks, og fleiri íðkarar og ítróttasambond boðaðu frá, at tey vildu hava leikirnar útsettar.

Tøl frá John Hopkins universitetinum, sum javnan dagførir tølini, vísa, at 1.866 smittutilburðir eru í Japan í løtuni. 54 fólk eru deyð av COVID-19, og 424 fólk eru skrásett at vera frísk.