2.078 fáa nú lønarískoyti

Nú eru yvir 2.000 fólk í lønarískoytisskipanini hjá Als. Í morgun eru 2.078 fólk skásett í skipanini.

Kvinnurnar eru framvegis í meiriluta. Tær eru 1137. Menninir eru 941. Nógv tey flestu eru í Suðurstreymi, tey eru 991.

Í Sandoynni eru 15 fólk, sum fáa lønarískoyti frá Als. Fyrstu fólkini, sum fáa lønarískoyti frá AlS, fingu pengar í gjár.

Útgoldið tvær ferðir um vikuna

Pengarnir eru fyri tíðarskeiðið 12. til 22. mars. Tey, sum ikki fingu í gjár, men fingu umsóknina staðfesta fyri middag í gjár, fáa pengarnar í dag, sigur Als.

Lønarískoyti fyri aðrar umsóknir fyri hetta tíðarskeiðið verður goldið út, so hvørt umsóknirnar eru avgreiddar, upplýsir Als.

Næsta útgjaldið er fyri tíðarskeiðið frá 23. mars til 5. apríl. Tað verður goldið 7. apríl. Lønarískoytið verður goldið tvær ferðir um vikuna, so hvørt, sum umsóknir verða skrásettar.