Fleiri enn 10.000 deyð í Spania

bannari
Fleiri enn 10.000 deyð í Spania
Seinasta samdøgrið eru 950 fólk í Spania deyð av COVID-19 og 8.000 onnur eru smittað
Fólk frá herinum sóttreinsa eitt sjúkrahús í Madrid í royndini at forða fyri, at COVID-19 breiðir seg enn meira
Mynd: AP (29.03.2020)  
 
02.04.2020 - 16:37

Talið á fólki í Spania, sum eru deyð av COVID-19, er hetta seinasta samdøgrið vaksið við 950. Tað upplýsir stjórnin í landinum sambært tíðindastovuni, Reuters.

Sostatt eru fleiri enn 10.000 fólk í Spania deyð av COVID-19. Fleiri enn 110.000 fólk í Spania hava nú fingið staðfest smittuna, og eru hetta 8.000 fleiri enn týsdagin.

Næstan 900.000 spaniólar hava mist størvini síðani ferðin í samfelagnum varð sett niður miðskeiðis í mars, tá koronasjúkan av álvara tók dik á seg, upplýsa myndugleikarnir.

Fólk verða revsað hart

Fólk í landinum hava síðani 14. mars fingið strang boð um, at halda seg við hús, og bara fara út, um teimum hevur tørvað annaðhvørt mat ella heilivág.

Fyrradagin høvdu tilsamans 102.000 fólk í Spania fingið bót, tí tey ikki virða útgongubannið, og 926 fólk vóru handtikin, sambært Al Jazeera.

Bøturnar eru úr 100 evrum heilt upp í 600.000 evrur, sum myndugleikarnir kunnu geva, um fólk skipa fyri mótmælistiltøkum, skrivar sjónvarpsrásin.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470