- Tíðindi, mentan og ítróttur
Norröna liggur í løtuni
Norröna liggur í løtuni
Farmaskipini Akranes og Hvítanes klára at taka alla farmin hjá Norrönu í løtuni
Mynd: Savnsmynd (Bjarni Árting Rubeksen)
03.04.2020 - 13:44
Tað upplýsir Rúni Vang Poulsen, stjóri í Smyril Line, fyri Kringvarpinum. Norröna kom á Havnina úr Danmark sunnudagin, og síðan tá hevur hon ligið við kai.
Sambært ferðaætlanini hjá skipinum, skuldi Norröna fara til Danmarkar í gjárkvøldið og til Íslands mánadagin.
Taka støðu í næstu viku
– So leingi eingin ferðafólkaflutningur er, verður støða tikin til hvørja viku, um neyðugt er at brúka Norrönu til farmaflutning, sigur Rúni Vang Poulsen.
Og tað hevur ikki verið neyðugt hesa vikuna. Í staðin hava farmaskipini Hvítanes og Akranes tikið tann farmin, ið skuldi umborð á Norrönu.
Virksemið hevur kortini verið umborð á Norrönu hesa vikuna. Ymiskt viðlíkahaldsarbeiði hevur verið gjørt umborð, sigur Rúni Vang Poulsen.
Nýggjastu sendingar í ÚV
Nýggjastu sendingar í SV