Spurnarkanning: Eldri eiga ikki at fáa vitjan enn

Tey flestu í einari spurnarkanning, sum spyr.fo gjørdi fyri Kringvarpið í gjár, halda, at tey, sum búgva í ellis- og røktarheimum, eiga ikki at fáa vitjan, sum støðan er nú.

Spurningurin, sum 500 fólk svaraðu, var, um tað eigur at verða latið upp fyri, at eldri í ellis- og røktarheimum kunnu fáa vitjan.

Fjórði hvør ósamdur

27 prosent svaraðu, at tey vóru púra ósamd. Bara átta prosent søgdu seg vera púra samd við teimum, sum halda, at fólkini eiga at fáa vitjan.

Sløk 27 prosent halda, at neyðug sosial atlit verða tikin í sambandi við at avbyrgja tey eldru. Spurt varð eisini, um tey gomlu eiga at kunna vitja hvønn annan.

Tað halda 14,2 prosent. Og 30 prosent halda avgjørt, at myndugleikarnir gera nóg nógv fyri at verja gomul móti korona.