Als latið góðar 50 milliónir

Higartil hevur Als goldið 52 milliónir krónur í lønarískoyti. Og harafturat hava 75 fólkapensjónistar fingið 550.000 krónur

Men ítróttafólk hava einki fingið enn, tí Als hevur ikki fingið allar leikarasáttmálar. Søkt er um lønarískoyti til millum 200 og 300 ítróttafólk.

924 fyritøkur søkt

Als upplýsir, at 924 fyritøkur hava søkt um lønarískoyti til starvsfólk,  tá eru umsóknir frá sjálvstøðugum vinnurekandi taldar við.

Yvir 4.000 fólk eru meldað til lønarískoytisskipanina. Men nógv eru farin til arbeiðis aftur, og nú eru 3.575 fólk í skipanini.

Vanliga arbeiðsloysið kvinkar eisini uppeftir. Tað plagar annars at minka hesa tíðina. Nú eru 394 fólk arbeiðsleys.