Vetrarfriða í Funningsfirði

Funningsfjørður verður nú vetrarfriðaður.

Runavíkar kommuna hevur í ein tíð samráðst við tveir festarar, og nú byrjar arbeiðið, at vetrarfriða Funningsfjørð, loksins.

Stik og pelar eru keypt, og ein millión krónur eru settar av á fíggjarætlanini hjá Runavíkar kommunu til vetrarfriðingina.

Av tí at landsvegur eisini gongur gjøgnum hagarnar í Funningsfirði, hevur eisini verið neyðugt at hoyra Landsverk í málinum.

Í síðstu viku skrivaði Tórbjørn Jacobsen, borgarstjóri í Runavík, undir avtalu við bøndurnar Andreas (Dia) Hammer og Maluna Jógvansdóttir Thomsen um at vetrarfriða bygdina.

Arbeiðið, at vetrarfriða Funningsfjørð, byrjar hesa vikuna.