Breddin: Lánsbrøv, barsilsgrunnur og seyðahald

Landskassin hevur tikið tríggjar milliardir krónur í láni við at selja lánsbrøv. Men hvussu fer ein slíkur handil fram? Hvat er eitt lánsbræv? Og hvør kann keypa eitt lánsbræv?

Vit tosa við landsbankastjóran og nýggja formannin í Búskaparráðnum.

Meira peningur rennur úr barsilsgrunninum enn inn í grunnin. Samstundis ætlar samgongan at leingja barnsburðarfarloyvið. Hvat er ætlanin við barsilsskipanini, og hvussu nógv skal hon kosta?

Myndugleikarnir kanna í løtuni eitt mál um møguligt mishald av einum festi í Oyndarfirði. Vit seta spurningin, um seyðahald í Føroyum er nóg væl skipað. Stjórin á Búnaðarstovuni verður í útvarpsstovuni.

Breddin í útvarpinum klokkan 17.05.