Nú eru 10.459 kanningar gjørdar

Heldur ikki seinasta samdøgrið er nakar smittaður við korona í Føroyum. Tað upplýsir landslæknin, nú seinastu kanningarúrslitini eru tøk.

161 kanningar vórðu gjørdar í gjár, og tær vístu, at eingin var smittaður. Sostatt hevur eingin fingið staðfest smittuna í teimum seinastu 4.189 kanningunum.

Higartil eru 10.459 kanningar gjørdar.

Eingin er smittaður av koronu síðani 22. apríl.