LS skal brúka 12 mió. kr. aftrat í ár

Landssjúkrahúsið skal brúka 12,2 mió. kr. afturat til vanligan rakstur í ár.

Pengarnir eru við í uppskotinum um eykajáttan, sum er í Fíggjarnevndini í løtuni.

Fíggjarnevndin spurdi Heilsumálaráðið um hesar pengar.

Sáttmálar kosta eyka

Sáttmálar, sum eru gjørdir eftir, at fíggjarlógin fyri 2020 varð samtykt, kosta sjey milliónir krónur. Millum annað er lønarstigin broyttur í sáttmálum.

Seks milliónir krónur kostar sáttmálin við sjúkrarøktarfrøðingarnar, 420.000 kr. krevur sáttmálin við Starvsmannafelagið, og sáttmálin við Serlæknafelagið kostar 510.000 kr. eyka. 4,1 millión skal brúkast til millum annað heilivág og rannsóknir í kanningarstovum.

Trýstið á kommunulæknavaktina 1870 á Landssjúkrahúsinum er vaksið nógv meira, enn mett varð. Neyðugt er at seta fleiri fólk, og brúk er fyri 1,1 millión aftrat..