Jósup í sigling aftur

Jósup fer aftur í sigling út í Mykines  fyrrapartin í morgin. Sambært ferðaætlanini fer hann úr Sørvági klokkan 10:20.

Jósup hevur ikki siglt hesa vikuna, tí sunnudagin fingu róðrið og skrúvan skaða, tá Jósup bar við okkurt, sum lá í sjónum. Skaðin er umvældur á Strondum.

Hesa vikuna hevur verið ókyrt í Mykinesi, so Jósup hevði ikki siglt kortini. Men í morgin verður siglandi, sigur reiðaríið hjá Jósupi.