Havnarlagið á Toftum umskipast

Uppskotini eru partur av hugskotsarbeiði, sum kommunan er í gongd við, ið skal samansjóða útróðrarlív, frítíðarvirksemi, ferðavinnu og íbúðarbygging.

Nes kommuna hevur tí fingið trý uppskot frá arkitekta- og ráðgevarafyritøkunum Forma, SNA og Fuglark.

Talan er ikki um eina kapping, men heldur at fáa lagt uppskot fram fyri almenningin, sum kann brúkast sum grundarlag til at menna økið við havnarlagið.

Sum frálíður er hugsandi, at ein sersamtykt verður gjørd fyri økið, ið kann stýra bygging og virksemi í økinum, sigur Nes kommuna.