20.000 lastbilar seta ferðsluna í Havn undir trýst

30.06.2020 - 11:23
AktueltSamfelag
20.000 lastbilar seta ferðsluna í Havn undir trýst
Tað ørkymlar Trónd Sigurðsson, býráðslim fyri Javnaðarflokkin í Havn, at fleiri lastbilar skulu koyra grót millum Gomlurætt og Skálafjørðin
Okkurt um 20.000 lastbilar skulu koyra grót úr Sandoyartunlinum inn á Glyvur, og tað ørkymlar býráðslim í Havn
 

Tað, sum ørkymlar meg er, at lastbilarnir skulu koyra eftir Marknagilsvegnum og Ringvegnum í Havn. Ferðslan í býnum er undir stórum trýsti frammanundan, og nú verður hon sett undir enn størri trýst, sigur hann.

Fríggjadagin skrivaðu partafelagið Eystur- og Sandoyartunlar og Runavíkar kommuna undir avtalu um, at Runavíkar kommuna tekur ímóti 300.000 rúmmetrum av grótinum, sum kemur upp úr Sandoyartunlinum Streymoyarmegin.

Ætlanin er at víðka havnarlagið frá Oljubryggjuni heilt inn í Støð á Glyvrum, har kommunan eisini ætlar at skipa ein bátahyl, nú verandi hylur so smátt er við at gerast ov lítil.

Meting: Umleið 20.000 lastir koyrast

Farið verður undir at flyta grótið tá, ið Eysturoyartunnilin letur upp, segði Tórbjørn Jacobsen, borgarstjóri í Runavíkar kommunu, við Útvarpið fríggjadagin.

Ein fyribils meting er, at okkurt um 20.000 lastbilar skulu koyra grótið.

Tað fer at ávirka ferðsluna í Havn. Hetta er tung ferðsla, tað slítir eisini vegirnar, og tað fer at merkjast hjá fólki, sum fara at koyra í Havn, sigur Tróndur Sigurðsson.

Innkomuvegir í Eysturoynni ikki klárir

Hetta er eitt stórt vinnuligt frambrot fyri tey í Runavíkar kommunu. Eigur høvuðsstaðurin ikki at spæla við og liva við tí?

Tað fara vit eisini at gera. Trupulleikin er, at innkomuvegirnir við Eysturoyartunnilin eru ikki klárir, og tað er avgerandi fyri samlaðu ferðsluna í Havn. Tann vegurin manglar, sigur Tróndur Sigurðsson.

 >> SÍ EISINI Tyrvingarplássið um at verða fult

Tróndur Sigurðsson heldur, at býráðið í Havn átti at fingið grótið til høldar, millum annað til eitt vinnuøki á Gomlurætt.

Runavíkar kommuna hevur fingið eina góða avtalu, og Tórshavnar kommuna hevur einki fingið burturúr. Býráðið í Havn átti sjálvsagt at víst størri áhuga fyri grótinum, sigur Tróndur Sigurðsson, býráðslimur fyri Javnaðarflokkin í Havn.

 
Nýggjastu sendingar í ÚV
Mánadag 13. juli
Góðan morgun Føroyar 13.07.2020
111313
Sunnudag 12. juli
Frá stríðsárunum (2:15)
110842
Sunnudag 12. juli
Etos: Hví skulu vit hava etikk?
110676
Sunnudag 12. juli
Guðstænasta í Kollafjarðar kirkju
111294
Nýggjastu sendingar í SV
Leygardag 11. juli
Video: 5mf dreingir, Fjarðastevna 2020
111287
Leygardag 11. juli
Video: 5mf kvinnur, Fjarðastevna 2020
111285
Leygardag 11. juli
Video: 10mf, Fjarðastevna 2020
111283
Leygardag 11. juli
Video: 8mf, Fjarðastevna 2020
111281