Frítíðarfisking í Føroyum avmarkast

Tað verður staðfest í nýggjari kunngerð frá Fiskimálaráðnum, sum ásetur reglur fyri fiskiskap í føroyskum sjógvi í samband við ferðavinnu. 

Fiskiskapurin kann bert fara fram við tráðu, snøri ella hondsnellu, og loyvt er ikki at avreiða ella selja veiðu frá ferðavinnufiskiskapi. 

Loyvi til ferðavinnufiskiskap kann verða latið eigara av fiskifari undir føroyskum flaggi. Umsóknir um fiskiloyvi skulu sendast til Vørn.

Nýggja kunngerðin fær gildi í morgin.