- Tíðindi, mentan og ítróttur
Umvælingin drúgvari enn ætlað
Umvælingin drúgvari enn ætlað
Hasfjord skal sandblásast og botnurin málast, nú skipið hóast alt er tikið upp á beding
Mynd: kvf.fo
07.07.2020 - 15:48
Hasfjord verður nakað longri á beding enn ætlað, boðar Strandferðslan frá í dag. Orsøkin er, at avgerð er tikin um at sandblása og mála botnin á Hasfjord, nú strandferðsluskipið er á beding.
Hasfjord verður tískil aftur í sigling 20. juli, væntar Strandferðslan, sum upplýsir, at við hesum kann olja sparast, og sleppast kann undan at taka skipið upp aftur á beding seinni í ár.
Ætlanin var annars, at Hasfjord skuldi byrja í sigling aftur fyrst í næstu viku, tá skaðin var umvældur. Tað var mikudagin 24. juni, at Hasfjord bar við botn í innsiglingini í Skopun og mátti takast úr sigling.
Nýggjastu sendingar í ÚV
Nýggjastu sendingar í SV