Nógv færri ferðafólk

Nógv færri ferðafólk vóru við skipunum hjá Strandfaraskipum landsins í mai í ár enn í mai í fjør.

Ferðafólkini eru næstan 35 prosent færri í ár. Tey vóru 72.105 á øllum átta leiðunum í mai í fjør, men 46.973 í mai í ár.

Undantakið er Fugloyar- og Svínoyarleiðin, har eru ferðafólkini hundrað fleiri í mai í ár.

Hjá Bygdaleiðum er munurin størri enn hjá Oyggjaleiðum. Har eru 71,3 prosent færri ferðafók í mai í ár enn í mai í fjør. Tey vóru 45.345 í mai í fjør og bara 13.016 í ár.