- Tíðindi, mentan og ítróttur
Fýra starvsfólk hjá TV2 eru ákærd fyri lógarbrot
Fýra starvsfólk hjá TV2 eru ákærd fyri lógarbrot
Stjórin hjá TV2, tíðindaleiðarin, ein redaktørur og ein journalistur eru ákærdir fyri lógarbrot í sambandi við nakrar dokumentarupptøkur
11.07.2020 - 12:10
Fýra starvsfólk hjá danska TV2 eru ákærd í sambandi við upptøkur til ein dokumentar um røktarheimið Kongsgården í Aarhus.
Hetta skrivar DR á heimasíðuni.
Tey fýra starvsfólkini eru ákærd fyri brot at paragraf 264 í donsku revsilógini, sum snýr seg um heimildarleysar upptøkur á einum staði, sum ikki er frítt atkomiligt.
Fútaforboð varð lagt á dokumentarin, sum ongantíð er vístur, og nú er hetta endað við einari ákæru.
Tey fýra TV2-starvsfólkini eru stjórin, Anna Engdal Stig Christensen, tíðindaleiðarin Mikkel Hertz, umframt ein redaktørur og ein journalistur frá dokumentardeildini hjá TV2.
Nýggjastu sendingar í ÚV
Nýggjastu sendingar í SV