Búnaðarstovan selur ull í leysari vekt

Búnaðarstovan selur nú ull í leysari vekt. 

Fyrsta floks ull kostar 50 kr. fyri kilo, tá er meirvirðisgjaldið talt við. Ull í øðrum flokki kostar 25 kr. fyri kilo.

Ullin verður seld so leingi ullarmóttøkan er opin, og tað er til 22.august.

Búnaðarstovan tekur móti ull í summar.

Skild í seks litir

Ullin í fyrsta flokki er skild í seks litir, svart, hvítt, ljósamorreytt, ljósagrátt, myrkagrátt og flekkutt.

Fyri ull í fyrsta flokki verða latnar 10 kr. fyri kilo, tá er meirvirðisgjaldið talt við. Fyri ull í øðrum flokki verða latnar 1,50 kr. fyri kilo við mvg.

Hetta er fjórðu ferð, Búnaðarstovan keypir ull. Í fjør summar tók hon 25 tons.