Karelia á veg til Russlands

Russiski trolarin Karelia er nú veg til Kaliningrad, sambært heimasíðuni Marinetraffic. Karelia kemur til Kaliningrad seinnapartin hósdagin. Skipið er nú við norsku strondina.

Hin russiski trolarin, sum lá í Norðhavnini í Klaksvík, Jan Tarny, er á fiskileið norðan fyri Føroyar. Litavska farmaskipið Cassiopeia, sum eisini var í Norðhavnini, er á veg til Las Palmas á Kanariuoyggjunum.

Korona varð staðfest hjá manningunum á Kareliu og Cassiopeiu, meðan skipini lógu í Norðhavnini. Manningin á Jan Tarny tók ikki av tilboðnum frá landslæknanum um at lata seg kanna fyri koronu.