- Tíðindi, mentan og ítróttur
Fleiri danir enn føroyingar ferðaðust loftvegis
Fleiri danir enn føroyingar ferðaðust loftvegis
Afturgongdin í ferðafólkatalinum hevur verið øgilig, síðani korona kom
![](https://kvf.fo/sites/default/files/styles/grein-ovasta-mynd/public/flogvollurin_vaga_floghavn_koronatest_heilsustarvsfolk_-8.jpg?itok=4uyx8gOw)
Korona hevur havt við sær, at ferðafólkatalið um flogvøllin er minkað 74 prosent, frá apríl til juli
21.08.2020 - 09:31
Fleiri danir enn føroyingar komu til Føroya við flogfari í juli.
Tað er fyrstu ferð, at føroyingar ikki eru í meiriluta millum ferðafólkini, sum koma til Føroya við flogfari, upplýsir Vága floghavn.
Afturgongdin í ferðafólkatalinum er annars øgilig, síðani korona kom.
Stór afturgongd
Sammett við somu mánaðir í fjør var hon 93,7 prosent í apríl, 91,9 prosent í mai, 76,7 prosent í juni og 49,6 prosent í juli.
Samanumtikið var afturgongdin hesar fýra mánaðirnar 74,2 prosent sammett við 2019.
Men fram til 10.mars, tá korona rakti flogferðsluna, var framgongdin 10,5 prosent, so tá vóru útlit fyri, at ferðafólkatalið, sum var 424.281 í fjør, aftur setti met í ár.
Nýggjastu sendingar í ÚV
Nýggjastu sendingar í SV