Fekk harðari revsing í landsrættinum

Fekk harðari revsing í landsrættinum
Ein 60 ára gamal maður fekk hósdagin treytaðan dóm í landsrættinum fyri at hava framt kynsligan harðskap móti trimum gentum
Eystari Landsrættur hevur verið í Føroyum seinastu vikurnar
 
30.08.2020 - 14:24

Eystari landsrættur hevur verið í Føroyum seinastu dagarnar og viðgjørt millum annað hetta málið um kynsligan harðskap, sum varð framdur móti gentunum árini 1993 til 1996. Genturnar vóru tá millum 4 og 7 ára gamlar, og talan er um annað kynsligt samband enn samlegu. 

Í 2017 meldaðu fýra gentur mannin til løgregluna fyri kynsligan harðskap, og í september í fjør varð hann í Føroya rætti dømdur 1 ár og tríggjar mánaðar treytaða fongsulsrevsing fyri kynsligan harðskap móti trimum av teimum fýra gentunum, - hann varð frikendur fyri kynsligan harðskap móti einari av gentunum, og hann skuldi ikki rinda gentunum endurgjald. 

Dómurin varð skotin inn fyri landsrættin, sum herdi revsingina og dømdi mannin hálvtannaðárs fongsulsrevsing, dómurin er treytaður.

60 ára gamli maðurin skal eisini vera undir eftirliti hjá kriminalforsorgini í tvey ár.

Er kopiera
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520