Tingast um grein í revsilógini

Tingast um grein í revsilógini
Ein møguleiki er at broyta revsilógina, so føroyska umsetingin hevur somu merking sum danska orðingin, sigur fútin
Michael Boolsen, fúti, sigur, at tingingar eru við landsstýrið og ríkisadvokatin um niðurstøðuna hjá dómsvaldinum
 
31.08.2020 - 18:05

Enn er ikki greitt, hvussu verður við grein 119 í revsilógini, sum sambært dómsvaldinum broyttist, tá hon varð umsett úr donskum til føroyskt.

Grein 119 er um harðskap móti eitt nú politistum, sum gera arbeiði sítt.

Ein maður varð frídømdur í Føroya rætti fyri at stoyta Red Bull orkudrykk á ein politist, tí hann kundi ikki dømast ella revsast eftir grein 119.

Tað segði Eystari landsrætti eisini. Men maðurin varð kortini dømdur. Tað var sambært linaru harðskapsgreinini í revsilógini, grein 244.

Tann harðskapsgreinin var pástandurin í øðrum lagi hjá ákæruvaldinum. 

Tingast við landsstýrið og ríkisadvokatin

Michael Boolsen, fúti, sigur, at tingingar eru við landsstýrið og ríkisadvokatin um niðurstøðuna hjá dómsvaldinum.

Ein møguleiki er at broyta revsilógina, so føroyska umsetingin hevur somu merking sum danska orðingin.

Skal lógin broytast, má landsstýrið fáa tað í lag.

Ein annar møguleiki er at søkja um loyvi at fara í Hægstarætt við málinum.

Men enn er eingin avgerð tikin, sigur fútin.

Er kopiera
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520