Føroyar spæla móti Andorra í dag

Hósdagin tryggjaði Brandur Hendriksson Olsen Føroyum øll stigini í evstu løtu móti Malta á Tórsvølli, tá hann skeyt fríspark upp í málhornið.

Í dag verður avbjóðingin ein onnur.

Andorra fekk, eins og Føroyar, góða byrjan í kappingini, tá teir spældu javnt móti Lettlandi, 0-0.

Føroyar og Andorra vóru í bólki saman í undankappingini til HM í Russlandi. 

Ta ferðina fingu Føroyar fýra stig burtur úr teimum báðum dystunum, men á Estadi Nacional endaði málleyst móti einum verjukendum og treiskum liði.

Væntandi fer Andorra fer at spæla á sama hátt hesa ferð. 

Dysturin Andorra og Føroyar verður klokkan tvey seinnapartin, okkara tíð, og Kringvarpið sendir dystin í sjónvarpinum. 

Byrjað verður at senda klokkan tíggju minuttir yvir hálvgum tvey.