733 fleiri fólk seinasta árið

Tann 1.august búðu 52.816 fólk í Føroyum, 733 fleiri enn 1.august í fjør. Fólkatalið vaks 1,4 prosent.

Fólkatalið vaks nakað meira frá 1.august 2018 til 1.august 2019, tá komu 848 fólk afturat, fólkatalið vaks 1,7 prosent.

Munurin stendst av, at bæði burðaravlopið og nettoflytingin eru nakað minni nú, sigur Hagstovan.

Burðaravlopið er 25 færri, serliga tí, at føðitalið er minkað, og nettoflytingin er 90 færri, serliga tí, at tilflytingin er minkað.