Søkja eftir sendifólki til Ísraels

Nú verður søkt eftir sendifólki at standa á odda fyri føroysku sendistovuna í Tel Aviv.

Starvsuppgávan er at umboða føroyskar myndugleikar mótvegis ísraelskum myndugleikum og øðrum sendistovum í Tel Aviv. Og at røkja sambond við ísraelskt vinnulív og mentanarlív.

Kravið er, at umsøkjarin hevur viðkomandi hægri útbúgving, royndir í almennari fyrisiting, gott innlit í uttanríkisviðurskifti og góðar samskiftisførleikar á føroyskum og enskum.

Tað er eisini ein fyrimunur at hava diplomatiskar royndir.

Starvið verður sett frá 1. november, ella so skjótt sum tilber.

Føroyar hava eisini sendistovu í Beijing, Brússel, London, Moskva, Reykjavík og Keypmannahavn.