Lendisakfør eisini í ferðslulógina

Ein maður, sum varð ákærdur fyri at koyra fullur við lendisakfari, ATV-ara, á almennum vegi, varð frídømdur í Føroya rætti, hóast promillan var 2,07.

Hetta var á vári 2017.

Ikki bar til at døma fyri rúsdrekkakoyring, tí lendisakfør eru ikki í greinini í ferðslulógini, sum ákært varð eftir.

Nú skal ferðslulógin broytast, so lendisakførini koma í ferðslulógina.

Fólk, sum koyra ávirkað á einum ikki-skrásettum lendisakfari á almennum vegi, skulu kunna revsast sambært ferðslulógini.