Glenn Ståhl uppsagdur í NSÍ

Tað kom sum eitt ljós av klárum himni í kvøld, at NSÍ á síni heimasíðun brádliga boðaði frá, at venjarin Glenn Ståhl er uppsagdur. 

NSÍ skrivar:

"Samstarvið ímillum NSÍ og Glenn Ståhl er enda. NSÍ ynskir at takka Glenn fyri tíðina og arbeiði hann hevur gjørt í NSÍ, og vit ynskja Glenn alt tað besta framyvir.

Ein lokal venjaraloysn er sett at taka sær av NSÍ liðnum, inntil ein onnur loysn er funnin."

NSÍ vann annars ein sannførandi 4-1 sigur á Skála um vikuskiftið og liggur í løtuni á triðja plássi í bestu fótbóltsdeildini við monnum. 

Dánial Hansen, formaður í NSÍ, hevur í løtuni onga viðmerking til uppsøgnina av Glenn Ståhl.