Nevningating um rúsevni

02.10.2020 - 11:13
AktueltSamfelag
Nevningating um rúsevni
Málið skal í nevningating, tí kravið hjá ákæruvaldinum er fongsul í minst fýra ár
Tríggir ungir menn, allir í 20unum, eru ákærdir fyri at royna at smugla 982,6 gramm av amfetamini til Føroya við Norrønu
 

Í næsta mánaði verður nevningating um rúsevni í Føroya rætti.

Og talan er um eitt stórt mál, tað byrjar 9.november og endar 20.november.

Tríggir ungir menn, allir í 20unum, eru ákærdir fyri at royna at smugla 982,6 gramm av amfetamini til Føroya við Norrønu. 

Hetta var í november í fjør, og menninir hava verið varðhaldsfongslaðir síðani.

Tveir danir og ein føroyingur

Talan er um tveir danir og ein føroying. Føroyingurin er eisini ákærdur fyri at royna at smugla 12,7 kilo av hashi úr Íslandi í januar í fjør.

Ákæruvaldið krevur eisini, at 182.000 krónur verða konfiskeraðar hjá tí eina manninum og ein bilur, sum er verdur 205.000 kr., hjá einum øðrum, sigur Linda M. Hesselberg, varafúti, við Útvarpið.

Tann eini maðurin játtar at hava roynt at innflyta amfetaminið til Føroya, men hann sigur, at hann var einsamallur um ta royndina.

Hinir báðir menninir nokta seg sekar.

Málið skal í nevningating, tí kravið hjá ákæruvaldinum er fongsul í minst fýra ár.
 

Er kopiera
Nýggjastu sendingar í ÚV
Nýggjastu sendingar í SV
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574
Mánadag 27. juni
3-2
141573