Bíligari at fylla tangan

Nú er ikki so dýrt at fylla oljutangan við hús ella tangan á bilinum, sum tað hevur verið í fleiri mánaðir.

Prísurin á brennievni í Føroyum fór um vikuskiftið niður, vísa prísyvirlitini hjá Effo og Magn.

1.000 litrar av gassolju til húsarhald kosta nú 5.525 krónur, ein litur av bensini kostar 8,36 krónur, og ein litur av diesel kostar 6,31 krónur.

Ikki síðani fyrst í juni hevur tað verið so bíligt at fylla tangan heima við hús, ella tangan í bilinum, vísir prísyvirlitið hjá teimum báðum føroysku orkufeløgunum.

Prísirnir á gassolju, bensini og diesel eru tengdir at vøruprísi, dollarakursi, bruttovinningi og meirvirðisgjaldi og avgjøldum.