Ferðavinnan í Noregi hart rakt av koronu

bannari
13.10.2020 - 09:22
AktueltÚtheimurin
Ferðavinnan í Noregi hart rakt av koronu
Norska ferðavinnan hevur mist 41 milliardir krónur av koronasmittuni
Umsetningurin hjá ferðavinnuni í Noregi minkaði úr 46 milliardum krónum niður í 14 milliardir krónir frá januar til august í ár samanborið við sama tíðarskeið í fjør
 

Ein uppgerð hjá norsku ferðavinnuni vísir, at inntøkurnar hjá feravinnuni minkaðu við 41 milliardum krónum frá januar til august í ár, samanborið við somu tíð í fjør, skrivar tíðindastovan NTB.

Serliga merkti ferðavinnan sera væl, at nógv færri útlendsk ferðafólk komu til Noregs. Talan var um eina afturgongd uppá 68 prosent, vísir uppgerðin.

Stjórin fyri norsku ferðavinnuna, Kristin Krohn Devold, sigur við NTB, at uppgerðin prógvar, at ferðavinnan hevur tørv á peningi til at rinda fyri fastar útreislur, sum eru av koronakreppuni.

 

Fær vinnan ikki stuðul, so er vandi fyri, at nógv arbeiðspláss fara fyri skeyti. Og vinnan hevur tørv á peningi, sum kann rinda upp til 80 prosent av føstu útreiðslunum, sigur hon. Og tørvurin stendur við, so leingi sum koronakreppan ger um seg, leggur hon aftrat.

Hon sigur, at tøær 680 milliónir kr., sum eru settar av í uppskotinum til fíggjarlóg, mugu setast av til útreiðslur fyrstu tríggjar mánaðirnar í 2021, og síðani má játtanin økjast eftir tørvi.

Stjórin fyr norsku ferðavinnuna sigur seg ógvast um útspælið frá myndugleikunum, sum siga, at marknaðurin má gera av, hvørjar fyritøkur í ferðavinnuni skulu halda fram. Og ger vart við, at eingin ferðavinnufyritøka hórar undan við eftirspurninginum sum er nú.

 
Nýggjastu sendingar í ÚV
Mánadag 26. oktober
Morgunlestur mánadagur 26.oktober 2020
115141
Sunnudag 25. oktober
Guðstænasta í Fuglafjarðar kirkju
115254
Sunnudag 25. oktober
Meg minnist: Einar Larsen (5:5)
115110
Sunnudag 25. oktober
Ólavur Højgaard er gestur í Brunsj
115244
Sunnudag 25. oktober
Credo: Vakurleiki
115203
Nýggjastu sendingar í SV
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261
Hósdag 22. oktober
Lí­numenn 1:3
115178
Hósdag 22. oktober
Mentanarbroytingar og Public Service
115122
Mikudag 21. oktober
Eivør - útgávukonsert
115073