- Tíðindi, mentan og ítróttur
Handverkarar gjørt nýggjan sáttmála
Handverkarar gjørt nýggjan sáttmála
Lønarhækkingin verður í prosentum, og ólavsøkudagur verður frídagur.
Skrivað varð undir nýggja sáttmálan í dag. Hann er galdandi frá 1. oktober í ár til 1. oktober í 2022
15.10.2020 - 16:53
Føroya Arbeiðsgevarafelag og Føroya Handverksmeistarafelag øðrumegin og Føroya Handverkarafelag og Landsfelag Handverkaranna hinumegin hava í dag skrivað undir nýggjan sáttmála, sum er galdandi frá 1. oktober ár til 1. oktober 2022.
Semjan ber í sær , at lønin hækkar 1,95 prosent 1. januar 2021, og 1,25 prosent 1. oktober 2021.
Semjan er á sama stigi sum semjan við arbeiðarafeløgini, ið varð gjørd í juni.
Eisini eru tillagingar gjørdar í sáttmálanum, skrivar Vinnuhúsið.
Eitt nú er ólavsøkudagur nú vorðin frídagur og lønarstigin er nú broyttur frá krónum til prosent.
Er kopiera
Nýggjastu sendingar í ÚV
Nýggjastu sendingar í SV
