Framtíðin selur felagshúsið

Arbeiðsmannafelagið Framtíðin í Vági selur húsið hjá sær.

Eitt boð er komið, og tey, sum hava boðið, hava nakrar dagar at hugsa seg um, áðrenn tey keypa ella ikki.

Johan Augustinesen, formaður í Framtíðini, sigur, at felagið hevur ikki brúk fyri húsinum longur, og tí verður tað selt.

Húsið er í tveimum hæddum, hvør hæddin er 211 fermetrar. Harafturat er ein útbygningur, sum er 42 fermetrar. 

Arbeiðskvinnufelagið í Vági, Fjallbrúður, seldi sítt hús fyri nógvum árum síðani.