Sáttmálasamráðingarnar í dvala

Einki nýtt er í sáttmálasamráðingunum ímillum landsstýrið og sjúkrarøktarfrøðingarnar um vikuskiftið.

Partarnir hittust fríggjadagin, og tann fundurin flutti einki.

Sjúkrarøktarfrøðingarnir hava longt undantøkini til seinnapartin í morgin.

Helgi Abrahamsen, landsstýrismaður, sum umsitur arbeiðsmarknaðarmál, sigur, at í løtuni hendir einki, og hann bíðar framvegis eftir, at partarnir, sum varða av sáttmálanum, tað eru Fíggjarmálaráðið og sjúkrarøktarfrøðingarnir, fara at finna eina loysn.