Fáa hjálp til at skilja dátuverndarlógina

Seinnapartin í morgin fara Føroya Arbeiðsgevarafelag og KT-felag at skipa fyri einum tiltaki, har endamálið er at fáa svar uppá tey ivamál, sum fyritøkur munnu hava viðvíkjandi nýggju dátuverndarlógini, sum varð samtykt í summar.

Eitt nú fer Katrin Thorsvig Hansen, virkandi stjóri á Dátueftirlitinum, at hava eitt upplegg, sum kallast: hvat er dátuverndarlógin og hvør skal liva upp til lógina.

Tiltakið, sum er fyri limirnar í feløgunum í Vinnuhúsinum, verður í miðhøllini í nýggja skúlanum á Skúlatrøð mikudagin klokkan 14.

Eisini vera tvey onnur tiltøk seinri í mánaðanum. Tað fyrra í Havn tann 18. november - tað seinna í Suðuroy tann 30. november.