Føroyar taptu 2-1 í venjingardysti

11.11.2020 - 19:02
ÍtrótturFótbóltur
Føroyar taptu 2-1 í venjingardysti
Føroyska A-landsliðið í fótbólti tapti 2-1 fyri Litava í venjingardysti í Vilnius í kvøld. Føroyska málið skeyt Gunnar Vatnhamar
 

Landsliðsvenjarin, Håkan Ericson, hevði boðað frá, at nýggir leikarar fóru at fáa møguleikan í landsdystinum móti Litava í kvøld, og soleiðis bleiv eisini. 

Ikki færri enn tríggir debutantar vóru á liðnum, sum sviin sendi á vøllin í Vilnius. Bartal Wardum, Magnus Holm Jacobsen og Hilmar Leon Jakobsen spældu allir sín fyrsta landsdyst fyri Føroyar. 

Á føroyska liðnum vóru annars Gunnar Nielsen í málinum. Í verjuni Gilli Rólantsson, Bartal Wardum, Heðin Hansen, Viljormur Davidsen. Á miðvøllinum Sølvi Vatnhamar, Rógvi Baldvinsson, Magnus Holm Jacobsen og Kaj Leo í Bartalsstovu. Og í álopinum Hilmar Leon Jakobsen og Meinhard Olsen. 

Hekk ikki saman

Tað var eyðsýnt í fyrra hálvleiki, at nógv nýggj andlit vóru á liðnum, tí spælið hjá føroyska liðnum hekk slett ikki saman. Føroyar høvdu valla eitt skot upp á málið í fyrra hálvleiki, og leikararnir megnaðu ikki at spæla bóltin sínámillum meir enn tvær ella tríggjar ferðir, áðrenn litavar fóru avstað við bóltinum.

Litava var greitt omaná, og móti endanum av dystinum fekk liðið eisini tvey mál, sum bæði blivu skotin av Gratas Sirgedas í 43. og 46. minutti. 

Føroyar hamskift

Í seinna hálvleiki skifti Håkan Ericson nakrar av heilt stóru profilunum á landsliðnum inn. Fyrst komu Brandur Henriksson Olsen á vøllin, og síðani Hallur Hansson, og tað sást beinavegin aftur á føroyska spælinum, sum gekk skjótar og hekk munandi betur saman.

Eisini Dan í Soylu, sum varð skiftur inn í hálvleikinum, royndist væl. Føroyar sótu á dystinum í seinna hálvleiki, og móti endanum bragdaði, tá Hilmar Leon Jakobsen fyrst saksasparkaði eitt innlegg á tvørtræið, og Gunnar Vatnhamar síðani setti returin í málið. 

Eitt blandað inntrykk, ið føroyska landsliðið gav frá sær í kvøld, og tað er ilt at síggja, hvussu liðið skal klára seg uttan Halli Hansson og Brandi Henrikssyni Olsen í Nations League dystinum móti Lettlandi leygardagin.

Er kopiera
Nýggjastu sendingar í ÚV
Týsdag 18. mai
LEITISSTEIN 17.05.2021
124369
Týsdag 18. mai
Breddin
124367
Týsdag 18. mai
Óhoyrt 18 mai 2021
124365
Týsdag 18. mai
Nón 18. mai 2021
124363
Týsdag 18. mai
Tempo 18 mai 2021
124362
Nýggjastu sendingar í SV
Týsdag 18. mai
Vísindavøka: Terji Nielsen, SEV
118867
Mánadag 17. mai
3-2
124333
Sunnudag 16. mai
Andakt við Dan Eliassen
124288
Sunnudag 16. mai
Guðstænasta úr Hósvíkar kirkju
124285
Hósdag 13. mai
Guðstænasta úr Vesturkirkjuni
124199