Nes kommuna fær nýggjan borgarstjóra

Nývalda bygdaráðið í Nes kommunu hevur skipað seg í gjárkvøldið. Súni í Hjøllum verður borgarstjóri og Heini Súnason Kristiansen verður varaborgarstjóri.

Á valinum var Heini toppskorari við 150 atkvøðum, meðan Súni fekk 142 atkvøður. Meðan Heini er nývaldur, hevur Súni siti í bygdaráðnum samanhangandi síðani 1985, ella í 36 ár.

Súni í Hjøllum hevur verið varaborgarstjóri seinastu sjey seturnar. Hinir bygdaráðslimirnir eru Høgni Hansen, Elin á Torkilsheyggi, Jan Højgaard, Dakko Petersen og Rannvá í Túni Petersen.