Kristina Háfoss leiðari í Javna

16.11.2020 - 09:00
AktueltSamfelag
Kristina Háfoss leiðari í Javna
Hon avloysir Fíu Petersen, sum umframt at vera forkvinna, eisini hevur verið leiðari í Javna seinastu fimm árini
Kristina Háfoss tekur við starvi sum dagligur leiðari í Javna 1. desember
 

1. desember tekur Kristina Háfoss við starvinum sum dagligur leiðari í Javna. Hon avloysir Fíu Petersen, sum umframt at vera forkvinna, eisini hevur verið dagligur leiðari síðani 2015.

Kristina Háfoss er 45 ára gomul. Hon hevur útbúgving sum búskaparfrøðingur og løgfrøðingur, og hevur harafturat útbúgving í leiðslu. 

Hon hevur m.a. starvast sum búskaparfrøðingur í Landsbankanum, projektleiðari og íløguráðgevi hjá Føroya Banka, og deildarstjóri fyri menning, KT og marknaðarføring í Tryggingarfelagnum Føroyum.

Kristina Háfoss hevur seinastu 20 árini verið bæði løgtings- og landsstýriskvinna. Hon hevur gott innlit í lóggávu og skipanir á brekøkinum, og kennir flestu viðurskifti úr privata sjónvarhorninum, tí ein sonur hennara ber brek, skrivar Javni.

 

 

Er kopiera
Nýggjastu sendingar í ÚV
Nýggjastu sendingar í SV
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574
Mánadag 27. juni
3-2
141573