Tolleftirlitið styrkjast

Tolleftirlitið skal styrkjast, og tolllógin verður endurskoðað í løtuni. Tað sigur Jørgen Niclasen, landsstýrismaður, í svari til Brand Sandoy, løgtingsmann, sum spurdi um tolleftirlitið og rúsevni.

Landsstýrismaðurin sigur eisini, at eitt nýtt SSP samstarv skal gerast at basa rúsevnistrupulleikanum, sum er sosialur fyrst og fremst, siga tey serkønu.

Arbeiðsgongdir effektiviserast

SSP er samstarvið millum almannaverkið, skúlar og løgreglu. Men nú skulu heilsuverkið og TAKS við í eitt nýtt samstarv.

Jørgen Niclasen sigur, at TAKS arbeiðir við at effektivisera arbeiðsgongdir og við talgilding á tolløkinum, so meira arbeiðsorka so líðandi verður tøk til beinleiðis eftirlit.

Á tolldeildini hjá TAKS eru 20 fólk. Ein tollari er komin afturat í ár.