Arbeiðsloysið vaksið seinastu vikurnar

Talið á arbeiðsleysum í Føroyum er vaksið síðstu vikurnar, vísa nýggjastu tølini hjá Arbeiðsloysisskipanini.

Sambært nýggjastu uppgerðini hjá ALS, fáa í løtuni 316 fólk í Føroyum útgoldið arbeiðsoysisstuðul, 168 kvinnur og 148 menn.

1.144 eru í fiskavirkisskipanini, í løtuni fáa 435 fólk arbeiðsloysisstuðul haðani, 249 kvinnur og 186 menn.

Ikki síðani síðst í august hava so nógv fólk fingið arbeiðsloysisstuðul sum nú, vísa tølini hjá ALS.

1. november vóru 292 fulltíðararbeiðsleys í Føroyum. Sostatt eru tað 24 fleiri arbeiðsleys nú enn fyrst í hesum mánaðinum.