Framtíðin hjá Kim Kielsen óviss

Ikki verður avgjørt í hesum árinum, um Kim Kielsen heldur fram sum grønlendskur landsstýrisformaður, nú hann ikki longur er formaður í flokki sínum.

Floksleiðslan í Siumut hevur ikki avgjørt enn, um formaður floksins eisini skal vera formaður í landsstýrinum.

Og tað verður ikki avgjørt í ár, tí nývaldi formaðurin, Erik Jensen, er farin heim til Sisimiut í jólafrí, skrivar KNR á heimasíðuni.

Bæði Erik Jensen og Kim Kielsen hava sagt, at teir gera sum floksleiðslan sigur.