Skipa seg millum jóla og nýggjárs

Nývalda bygdarráðið í Fugloynni skipar seg ikki fyrr millum jóla og nýggjárs.

Símun Gullaksen, sum er fyrstvaldur, eigur at kalla inn til fyrsta fundin hjá bygdaráðnum.

Og tann fundurin verður millum jóla og nýggjárs, sigur hann. Fundurin skal vera fyri 1.januar, tí tá tekur nývalda bygdarráðið við. 

Símun Gullaksen er fyrstvaldur í Fugloyar kommunu. Hann fekk 13 atkvøður.

Amalia í Frammistovu, sum er borgarstjóri nú, fekk 11 atkvøður og Marit Fríða Cristiansen fekk sjey atkvøður.