Hótti við at brenna hús í grund

Ein maður er handtikin fyri at hava hótt við at brenna eini hús í grund. Hetta hendi í nátt í eini bygd á Streymoynni. Fólk vóru í húsinum, tá hóttanin varð borðin fram.

Løgreglan hevur viðkomandi í varðhaldi, og hann verður avhoyrdur, tá hann er edrúur. 

Enn er støða ikki tikin til, um hann skal stillast fyri ein dómara og um revsimál verður reist móti honum. Tað verður helst avgjørt seinni í dag.