Turkaland framvegis vónir um ES-limaskap

Turkaland vónar framvegis at gerast limur í ES. Forsetin í Turkalandi, Erdogan, rættir nú hondina til ES, eftir at partarnir ofta hava verið uppi og táttast um ymisk viðurskifti.

Turkaland vónar, at samráðingarnar um limaskap kunnu byrja aftur eftir at tað hevur verið tøgn millum parttarnar í longri tíð, skrivar DR

– Vit ætla okkum eina framtíð saman við Evropa. Vit hava stríðst fyri limaskapi í 60 ár. Og sjálvt um vit hava verið órættvíst viðfarin, hava vit ongantíð givið upp okkara mál at fáa fullan limaskap, segði Erdogan á einum fundi í gjár, har ES-sendiharrar vóru við.