Fingu sekt fyri ikki at halda sóttarhaldsreglur

15.01.2021 - 10:13
AktueltHeilsa
Fingu sekt fyri ikki at halda sóttarhaldsreglur
Tvey fólk fingu 3.000 kr, og eitt fólk fekk 6.000 kr. upplýsir politiið í Grønlandi
 

Í Grønlandi fáa fólk sekt fyri ikki at halda reglurnar um sóttarhald.

Trý fólk hava fingið sekt nú í vikuni, tvey fingu 3.000 kr, og eitt fólk fekk 6.000 kr. upplýsir politiið í Grønlandi.

Tað eina fólkið var í vertshúsi, eitt var í veitslu hjá einum kenningi, og triðja fólkið, sum er alment sett, var á skrivstovu sínari á arbeiðsplássinum í døgurðasteðginum.

Øll trý eru seinni kannað og øll vóru negativ.

Brutu sóttarhaldsreglurnar

Men tey brutu reglurnar um sóttarhald, eftir at tey vóru komin til Grønlands úr Danmark, sigur politiið.

Tey vóru millum fólk tríggjar dagar eftir at tey komu til Grønlands.

Reglurnar um sóttarhald í Grønlandi eru tær, at fólk skulu vera í sóttarhaldi í fimm dagar eftir at tey koma til Grønlands.

Tá skulu tey so kannast av nýggjum. Tey, sum ikki vilja kannast, skulu vera í sóttarhaldi í 14 dagar. 
  
 
 

 
Nýggjastu sendingar í ÚV
Mikudag 3. mars
Breddin
121099
Mikudag 3. mars
Lesikrókurin: Ein annar er gull
121095
Mikudag 3. mars
Nón 3. mars 2021
121093
Mikudag 3. mars
Góðan morgun Føroyar
121076
Nýggjastu sendingar í SV
Mikudag 3. mars
Úr savninum: Matur og matgerð
121098
Mánadag 1. mars
3-2
121003
Sunnudag 28. februar
TeenStreet lovsangur (5:5)
120907
Sunnudag 28. februar
Andakt við Margareth Djurhuus
120906