Lættari at kanna upplýsingar um byrsur

Politiið hevur nú fingið fjaratgongd til vápnaskránna.

Nú stendur eisini í kunngerðini um skráseting av skotvápnum, at politiið kann til fyribyrging, eftirkanning, avdúking og rættarsøkjan av lógarbrotum fáa fjaratgongd til neyðugu upplýsingarnar í vápnaskránni.

Kunngerðin um innflutning og útflutning og um, hvussu vápn og lóður skulu goymast, er eisini dagførd. Millum annað skulu tey, sum fara av landinum við byrsu, hava vápnaprógv og vápnatrygdarskeið.