Annika, Eyðgunn og Páll í tingið

Annika, Eyðgunn og Páll í tingið
Broytingar vera í tingmanningini, nú tingið fer at hava sínar fyrstu fundir í ár
Annika Olsen, Eyðgunn Samuelsen og Páll á Reynatúgvu verða tingfólk í næstum, nú nýggju kommunustýrini hava skipað seg
 
18.01.2021 - 14:45

Í morgin er fyrsti løgtingsfundur eftir nýggjár. Hetta er samstundis fyrsti tingfundur, eftir at nýggju kommunustýrini, sum vórðu vald á kommunuvalinum í november, hava tikið við.

Tað merkir, at broytingar verða í tingmanningini.

Annika Olsen er farin frá sum borgarstjóri í Tórshavnar kommunu, og fer nú aftur í løgtingið, har hon verður partur av tingmanningini hjá Fólkaflokkinum. Sostatt fer Jóhan Eli Poulsen, sum hevur verið varamaður hjá Anniku Olsen, nú úr tinginum aftur.

Heðin Mortensen hevur tikið við sum borgarstjóri í Tórshavnar kommunu, men er ikki farin úr løgtinginum enn. Eyðgunn Samuelsen er fyrsta varafólk á listanum hjá Javnaðarflokkinum.

Og Kristina Háfoss fer í farloyvi úr løgtinginum, nú hon fer í starv sum stjóri í Norðurlandaráðnum næstu fýra árini. Fyrsta varafólk á listanum hjá Tjóðveldi er Páll á Reynatúgvu.

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442