Brúkaraumboðið: Eingin ivi skal vera um lýsingar

Eingin skal vera í iva um, at ein lýsing er ein lýsing. Fjaldar lýsingar eru ikki loyvdar sambært marknaðarføringarlógini, heldur ikki í sosialu miðlunum.

Eingin munur er á sosialum miðlum og til dømis bløðum og tíðarritium, tá talan er um lýsingar, sigur Brúkaraumboðið.

Marknaðarføringarlógin er greið, ein lýsing skal vera gjørd soleiðis, at tann, sum sær hana, ikki er iva um, at talan er um eina lýsing. 

Í Danmark hevur ein ávirkari fingið 60.000 krónur í sekt fyri fjaldar lýsingar. Harafturat hava fyritøkur, sum saman við ávirkarum - ella influensarum, sum tað eisini verður nevnt -  hava havt fjaldar lýsingar á Instagram, hava fingið 175.000 krónur í sekt.