- Tíðindi, mentan og ítróttur
BankNordik kann selja virksemið í Danmark
BankNordik kann selja virksemið í Danmark
Bankin væntar, at sølan fer at geva ein nettovinning millum 70 og 90 milliónir krónur í ársroknskapinum fyri 2021
BankNordik hevur okkurt um 60.000 viðskiftafólk, 132 starvsfólk og 11 deildir í Danmark
25.01.2021 - 12:38
Bæði Fíggjareftirlitið og danska Kappingar- og Brúkarastýrið hava góðkent, at BankNordik selur virksemi sítt í Danmark til Spar Nord.
Sølan verður um eina viku, tann 1. februar. Virksemið hjá BankNordik í Grønlandi heldur fram, har BankNordik hevur góð 20 prosent av marknaðinum.
BankNordik hevur okkurt um 60.000 viðskiftafólk, 132 starvsfólk og 11 deildir í Danmark. Orsøkin til søluna eru stóru kapitalkrøvini, sum skerja kappingarførið hjá bankanum í Danmark.
Bankin væntar, at sølan fer at geva ein nettovinning millum 70 og 90 milliónir krónur í ársroknskapinum fyri 2021. Spar Nord er millum størstu peningastovnar í Danmark. Høvuðssætið er í Aalborg.
Er kopiera
Nýggjastu sendingar í ÚV
Nýggjastu sendingar í SV
