- Tíðindi, mentan og ítróttur
Tunlarnir norður um Fjall einmælt samtyktir
Tunlarnir norður um Fjall einmælt samtyktir
Spakin til vegagerðina í sambandi við tunlarnar verður settur í 8. februar
![](https://kvf.fo/sites/default/files/styles/grein-ovasta-mynd/public/tunlar-nordur-um-fjall-01.png?itok=7indREkE)
Nú verða nýggju tunlarnir norður um Fjall veruleiki. Løgtingið hevur einmælt samtykt lógaruppskotið
26.01.2021 - 14:07
Løgtingið samtykti fyri løtu síðani endaliga uppskotið frá Jørgeni Niclasen, landsstýrismanni, um tunlarnar norður um Fjall.
Uppskotið varð einmælt samtykt. 31 atkvøður vóru og eingin ímóti.
Játtanin í verklagslógini um tunlarnar norður um Fjall hækkar úr 252 milliónum krónum upp í 522 milliónir kr.
Vegagerðin í sambandi við tunlarnar er boðin út fyri seg, og ætlanin er at seta spakan í til vegagerðina 8. februar, upplýsti Jørgen Niclasen í tinginum í dag. Tvey tilboð komu upp á arbeiðið.
Trý byggisamtøk eru góðkend at bjóða upp á tunnilsgerðina, og 10. februar verður støða tikin til, hvør skal fáa arbeiðið.
Nýggjastu sendingar í ÚV
Nýggjastu sendingar í SV